Fréttir

Úrskurðarnefnd umhverfis- og auðlindamála er sjálfstæð stjórnsýslunefnd. Hlutverk hennar er að úrskurða í kærumálum vegna stjórnvaldsákvarðana og ágreiningsmálum vegna annarra úrlausnaratriða á sviði umhverfis- og auðlindamála. Á það er lögð áhersla að kveða upp vandaða úrskurði eins fljótt og kostur er og jafnan innan þriggja mánaða frá því að málsgögn bárust frá stjórnvaldi, svo sem mælt er fyrir um í lögum um nefndina nr. 130/2011. Sé mál viðamikið skal nefndin kveða upp úrskurð innan sex mánaða frá sama tímamarki.

Á árinu 2025 bárust úrskurðarnefndinni kærur í 193 málum og var afgreiðslu lokið í 220 málum, en þar af lauk 116 málum með efnisúrskurðum, 74 málum með frávísunarúrskurðum, 28 málum lauk með því að kærendur afturkölluðu kærur sínar og tveimur málum með framsendingu.

Úrskurðarnefndin kvað upp 191 úrskurði á árinu, en í sumum tilvikum eru nokkur kærumál sameinuð í eitt og kveðinn upp einn úrskurður fyrir þau öll. Þá getur í úrskurði einnig verið tekið á kröfu um stöðvun framkvæmda eða frestun réttaráhrifa til bráðabirgða og er í slíkum úrskurði því ekki að finna endanlega niðurstöðu.

Meðalafgreiðslutími lokinna kærumála hjá úrskurðarnefndinni var 1,9 mánuðir en sé einvörðungu litið til þeirra mála sem lauk með úrskurði var meðalafgreiðslutími 2,1 mánuðir frá því gögn bárust en 3,1 mánuðir miðað við þegar kæra barst nefndinni. Málum var lokið innan lögbundins málsmeðferðartíma í 86% tilvika.

Efni þeirra kærumála sem afgreidd voru á árinu skiptist svo:

Athugið að afgreiðslan er lokuð frá hádegi á Þorláksmessudag og milli jóla og nýárs. Kærur og gögn eru móttekin á netfangið [email protected] og í póstkassa í anddyri. Starfsfólk úrskurðarnefndar umhverfis- og auðlindamála.

Í dag miðvikudaginn 15. desember 2025 er bilun í símkerfi úrskurðarnefndarinnar. Er því sem stendur ekki hægt að ná sambandi við skrifstofuna með því að hringja. Beðist er velvirðingar á því og bent á þann möguleika að senda tölvupóst á [email protected] og óska eftir að haft verði samband.

Úrskurðarnefnd umhverfis- og auðlindamála hefur tekið upp rafrænt gagnasafn í samræmi við reglur Þjóðskjalasafns Íslands um rafræn gagnasöfn afhendingarskyldra aðila. Samtímis hófst nýtt skjalavörslutímabil til næstu fimm ára frá 1. nóvember 2025. Með þessu mun draga mjög úr notkun pappírs á skrifstofu úrskurðarnefndarinnar, sem er í anda verkefnisins um Græn skref, sem nefndin tekur þátt í.

Úrskurðarnefnd umhverfis- og auðlindamála er sjálfstæð stjórnsýslunefnd. Hlutverk hennar er að úrskurða í kærumálum vegna stjórnvaldsákvarðana og ágreiningsmálum vegna annarra úrlausnaratriða á sviði umhverfis- og auðlindamála. Af hálfu nefndarinnar er lögð áhersla á að kveða upp vandaða úrskurði eins fljótt og kostur er, jafnan innan þriggja mánaða frá því að málsgögn berast frá stjórnvaldi, ellegar innan sex mánaða frá sama tímamarki í viðamiklum málum, svo sem mælt er fyrir um í lögum um nefndina nr. 130/2011.

Á árinu 2024 bárust úrskurðarnefndinni kærur í 182 málum og var afgreiðslu lokið í 153 málum, þar af lauk 95 málum með efnisúrskurðum, 42 málum með frávísunarúrskurðum, 15 málum með því að kærendur afturkölluðu kærur sínar og 1 máli með framsendingu.

Efni þeirra kærumála sem afgreidd voru á árinu skiptist svo:

Úrskurðarnefnd umhverfis- og auðlindamála er sjálfstæða stjórnsýslunefnd. Hlutverk hennar er að úrskurða í kærumálum vegna stjórnvaldsákvarðana og ágreiningsmálum vegna annarra úrlausnaratriða á sviði umhverfis- og auðlindamála. Á það er lögð áhersla að kveða upp vandaða úrskurði eins fljótt og kostur er og jafnan innan þriggja mánaða frá því að málsgögn bárust frá stjórnvaldi, svo sem mælt er fyrir um í lögum um nefndina nr. 130/2011. Sé mál viðamikið skal nefndin kveða upp úrskurð innan sex mánaða frá sama tímamarki.

Á árinu 2023 afgreiddi úrskurðarnefndin 174 mál og þar af lauk 130 málum með efnisúrskurði, 33 með frávísunarúrskurði, 4 með framsendingu og 7 með því að kærandi afturkallaði kæru sína.

Úrskurðarnefndin kvað upp 170 úrskurði á árinu, en í sumum tilvikum eru nokkur kærumál sameinuð í eitt og kveðinn upp einn úrskurður fyrir þau öll. Þá getur í úrskurði einnig verið tekið á kröfu um stöðvun framkvæmda eða frestun réttaráhrifa til bráðabirgða og er í slíkum úrskurði því ekki að finna endanlega niðurstöðu.

Meðalafgreiðslutími lokinna kærumála hjá úrskurðarnefndinni var 2,7 mánuðir en sé einvörðungu litið til þeirra mála sem lauk með úrskurði var meðalafgreiðslutími 2,9 mánuðir.

Efni þeirra kærumála sem afgreidd voru á árinu skiptist með eftirfarandi hætti:

RSS straumur

RSS-fréttaveitur auðvelda notendum að fylgjast með birtingu efnis á vefsvæðum án þess að heimsækja þau sérstaklega.

Notkun

Til að skoða RSS straum af okkar úrskurðum þarf að nota sérstök forrit/öpp eða viðbætur við vafra, svokallaða RSS-lesara. Þeir sjá um að vakta nýjasta efni á vefsíðum sem notendur gerast áskrifendur að.

Þegar RSS-lesari hefur verið sóttur og settur upp í tölvu/farsíma þarf notandinn að setja inn þær slóðir sem hann vill vakta. Slóð RSS Straums er þá afrituð og síðan límd inn í RSS-lesarann. RSS-lesarinn vaktar og lætur notanda vita þegar nýtt efni er birt.

Slóð á okkar RSS straum: https://uua.is/feed

Athugið að afgreiðslan er lokuð milli jóla og nýárs.

Kærur og gögn eru móttekin á netfangið [email protected] og í póstkassa í anddyri.

Starfsfólk uua

Úrskurðarnefnd umhverfis- og auðlindamála starfar á grundvelli samnefndra laga nr. 130/2011 og er sjálfstæð í störfum sínum. Hlutverk hennar er að úrskurða í kærumálum vegna stjórnvaldsákvarðana og ágreiningsmálum vegna annarra úrlausnaratriða á sviði umhverfis- og auðlindamála. Í starfsemi nefndarinnar er lögð áhersla á að kveða upp vandaða úrskurði innan lögbundinna fresta, en lögum samkvæmt skal nefndin kveða upp úrskurð eins fljótt og kostur er og jafnan innan þriggja mánaða frá því að málsgögn bárust frá stjórnvaldi. Sé mál viðamikið skal nefndin kveða upp úrskurð innan sex mánaða frá sama tímamarki.

Á árinu 2022 afgreiddi úrskurðarnefndin 145 mál og þar af lauk 102 málum með efnisúrskurði, 29 með frávísunarúrskurði, 4 með framsendingu og 10 með því að kærandi afturkallaði kæru sína.

Úrskurðarnefndin kvað upp 131 úrskurð á árinu, en í sumum tilvikum eru nokkur kærumál sameinuð í eitt og kveðinn upp einn úrskurður fyrir þau öll. Þá getur í úrskurði einnig verið tekið á kröfu um stöðvun framkvæmda eða frestun réttaráhrifa til bráðabirgða og er í slíkum úrskurði því ekki að finna endanlega niðurstöðu.

Meðalafgreiðslutími lokinna kærumála hjá úrskurðarnefndinni var 3,4 mánuðir en sé einvörðungu litið til þeirra mála sem lauk með úrskurði var meðalafgreiðslutími 3,6 mánuðir.

Efni þeirra kærumála sem afgreidd voru á árinu skiptist með eftirfarandi hætti: